Be bergî sewze razawe qed û lapall û şîw û doll Çiroy derkirduwe dar û milîda yektirî giya û gull Beser befrî kewî da kird şemallî xakelêwe xoll Refîqan rojî kurdane behare cejnî newroze Be dill lêtan dekem lew roje da min cejne pîroze Be sozî bay beyan lêwî kirawe xunçeyî xendan Leser çill bulbulî şeyda le xoşî gull dellê bendan Becêhat arezûy lawan û germe korrî gowendan Refîqan rojî kurdane behare cejnî newroze Be dill lêtan dekem lew roje da min cejne pîroze Le xoy dawe berellbêne kiçî kabanî gerdin kêl Be naz û xemze derrwanê deka şînkey nerm pêşêl Le xoy dawe berellbêne kiçî kabanî gerdin kêl Be naz û xemze derrwanê deka şînkey nerm pêşêl Legel bonî wenewşe têkellawin bonî ’etir û hêl Refîqan rojî kurdane behare cejnî newroze Be dill lêtan dekem lew roje da min cejne pîroze Le dinya da keme hawtay beharî ciwanî kurdistan Ewîş emsall ke layekî necatî bû le jêr destan Le xoşî em willate şa’îrîş bote hezar destan Refîqan rojî kurdane behare cejnî newroze Be dill lêtan dekem lew roje da min cejne pîroze Be dill lêtan dekem lew roje da min cejne pîroze Honrawe: Hêmin Mukrîyanî Awaz: Ednan Kerîm