Kiras ketanî ke wa sewzî bejn û balla berz Be şan û gozewe çen ciwanî ey perî ser erz Le dûrewe çi nimayane pêç û serpoşit Çi zû ekate demaxim şepolî boy xoşit Şemallî rêgay kanî exate ballaket Le ranewey leşî zîwînî şorrebî kelleget Erroy be ’îşwe, be lence, be weznî goranî Erroy, zirrey kemeret dê heta kû ber kanî Egeyte ber komellî piyawanî berdem mizgewt Sillêk ekey wekû asik le sêberî eşkewt Le rêgeta heye pol pol le lawî dê komell Ke her yeke gullî henawe çeşnê pirr baxell Hemû be ezretewen gull firrê dene ber pêt Xwaye, axo gullî kê be dilltewe elkêt?