Wele biya wel wel biya ez nê derdan derdî ra Kulan ver lete let biya ez hetey zerey zerrî ra Zerrî niya ê mi zanî na adirê nê dejî ya Zerrî niya ê mi hînî na qozirmey şewatî ya Eke ti derdan têw bidî dima ti zaf poşman benî Bizani ez fek akera kilî mi fek ra perrenî Ti qet wina meewni na bêvengiya bêvengi ra Bizani ez wele biya bêhesî û bêkesî ra Kes nêzano na zerrî de çi hêvî ha nimitaya Pers bike na bîbikê qey caran piya nêniyaya Kil û kozir ra pers meke ti korfehman û heran ra Pers bikî estaran ra ez hayay şewanê homay a Vate:M. Malmîsanij