Yê şew dîme xew ve dilêy pirr zam, çûwême dûn qedîm guzeştê eyam Dîm heme çûlî çirrin pirrê darê esîr im ve des dîvê qedarî Laşem pirr ne zam hûş kerdem medhûş, deng nalê malê amanim ne gûş Mal mekakanê her ve dûrewe ve nalê pirr sûz ve dilgîrewe Tomerz ê mele ser nûr melan e, hewar kir rûj teng gel Êzedan e Sîneş pirr zûz bî dengîş zemdar bî, kuştar ne geliş ta sedhizar çûwê Mel melawanê ve zarîyewe, ve pê sûzê saz nûşdarîyewe Menalan hawar gelim esîr bî, camalim saf bî yanem xapîr bî Sêye vayê ama dave çerdaxim çûwê agir çê er bûsani baxim Her çî rencim bird vi salel sê, ve perçêm nêya doz da er perçê Ey bîx kenêwre stuwên sê malim, daye xakor e renc hizar salim Mer ye Çengal e ya qe'r ça ye, yê darê nîye binîmê saye Vêne bê kesan jar bê pelamar, wêm ketmo yemîn oladmo yesar Her yeme zanist bê çek çar im, keş kemer Çengal bîe pelamarim Ye notq heqen Xan Elmas watan, koyan mar gîrû deştan sûwaran Tek bêymin ve dem nîşê marewe, ne namûs ve des nîzedarewe Nîzedar nîze û zencîre mêytê, ê gel Kurdistan esîre mêytê Gel Kurdistan gişt yekan girtiye, Kurd ne rûjê ceng hamal ker nîye Çare Kurdistan îmrrû nûwêsyaye, rûjê dawu dawu bira bira ye Bijîn Kurdistan xwên û xakekem, êdit mibarek Kurdistanekem