Hey lo hey lo hey lo hey lo hey lo hey lo Hey lo hey lo hey lo hey lo hey lo hey lo şemê dibê: Filîto lawo dilê min dibê ye berxê min sed carî dilê min dibê ye Min ji te re nego neçe pêşiya karwanê Mamê Emê ye lawo vêga çavê jin û zarê wan li rê ne ew jî weka te mêrkuj in lawo karwanî şelê ne Dibê dilê min dibê ye sed carî dilê min dibê ye Filîtê Quto bavê Hesen cewrê şeme xwe daye ser taxê ye îro ji Mamê Emê Etmankî dixwaze qedar û baca rê ye Mamê bi sê denga banî dike dibê Elî gazî Filît dike dibê: Lawo eger te jin revandibe were ezê bidime te qalanê jinê ye eger te mêr kuştibe bidime te xwîna mêrê ye eger ehtaciya te bi malê dinyayê heye were rûnê bi erf û adetê dinê ye tu cara îcar nebûye rikê Etmankî ye nedaye baca rê ye Filîtê Quto bi sê denga Li Mamê Elê Etmankî dikir gazî: Dilê min dibê ye sed carî dilê min dibê ye îro tê bidî min qedar û baca rê ye Mamê dîsa gazî Elê dike: Elî rabe lezke bilezîne hêstira sor a pêşiyê hêstira boz a paşiyê bi barê wê ve ji Filîtê Quto ra bîne Lawo me şixûl ji vê bela hanê tunîne Hewara Etmankan dûr e dereng e îro bi degmê xwe bi me dibîne Mamê dîsa gazî Filît dike dibê: Were hêstira sor a pêşiyê Hêstira boz a paşiyê bi barê wê ve bibe qedara te ye lê tu cara îcar nebûye rikê Etmankî ye nedaye baca rê ye Hey lo hey lo hey lo hey lo hey lo hey lo Hey lo hey lo hey lo hey lo hey lo hey lo Filîtê Quto bi sê denga li Mamê Emê Etmankê dikir gazî Dibê: hêstira sor a pêşiyê hêstira boz a paşiyê Barê wê qadara min e Bazinzera milê xwe tê deynî baca rê ye Mamê dibê Filîto lawo xeberê te ye hêstira sor a pêşiyê hêstira boz a paşiyê barê wê bive xwîna te ye kalekî bavê min heye li malê ye her roj serê siba radibe simbêlê xwê yê sorê sor sosinî dişo bi sabûnê ji kefa hinê ye çavê kalê bavê min hêja li zewacê ye Bazinzîva milê min qelanê heft qîza ye heft bûka ye Heydeyne erdê baca rê ye were bazinzîva milê min bibe qelanê dayika xwe şemê ye Mamê dibê Emê bab û bira bi min Emê bavê min bûyino goreşa degerînin bara biqûlibin bikin kozik xwe bidine berê hûnê mîratê kurm û kurmanca dagirin barûdê bi terha bi derhema berdin serê nîşanê bigirin siwarê pêşî siwarê serbixelî jê re dibêjin Filîtê Quto cewrê şemê qey lawo nayê bîra we cara min digo xwezîka serê min û Felîtê Quto bavê Hesen cewrê şemê li kevanê Qîrê li hev de derê ezê îro şerekî li Kevanê Qîre daxim bikim wekî roja şerê Eshabiyan dewra berê Hey lo hey lo hey lo hey lo hey lo hey lo Hey lo hey lo hey lo hey lo hey lo hey lo şemê digo: Felîto lawo banî Qîre li vî banî min ji te re nego neçe pêşiya karwanê Mamê Emê bavê Meyro lawo vî karwanî ew jî weke te mêrkuj in lawo karwanî şelê nin çûne Diyarbekir ji xwe re genimê sor e Vêga çavê jin û zarokên wan li rê ne şemê digo: Felîto lawo karwan rabû ji Bilêyderê şewq û şemala xwe da bejn û bala Felîtê Quto bavê Hesen rextê qatiya lawo qevda vê xencerê carê min ne digo were li Tapiyê rûnê di nava xulam û xizmetkaran de belkî qasekî behna şemika diya te bi te derê şemê dibê: Felîto lawo banê Qîre ore or e ji xerî mala xweziyê Xwedê re çaxê li Mamê Emê Etmankî li wir pêsîr tengî tê de derketa serê birek xortê Etmankan Sernijdevan Derweşê Por e Hey lo hey lo hey lo hey lo hey lo hey lo Hey lo hey lo hey lo hey lo hey lo hey lo Mamê dibê: Fîlîto lawo banê Qîre bi simaq e ezê bikim teyr û tolê çewrê li ser cinazê kurê bava ji xwere îro bikin waq e waq e şemê digo: Filîto lawo Ji Delana Paşo heya mîrata Tapiyê birêne çend neqeb e tivinga li ser destê Mamê Emê bavê Meyro bi kewkeb e lawo bazinzer e carê min nedigo xwe nede ser kozika Mamê Emê bavê Meyro Lawo qetil û xwîn e tev xezeb e