Lo lo, lo lo Lê lê, lê lê Lo lo, lo lo Ne serok û sekreter im Ne miftî û ne dede me We'z ne şêx û ne jî, mîr im Ez hozanê gelê xwe me Çendî rastiyan dibînim Tînim li ber we datînim Car car dikim we'z rexnên we Ji bo baştir bibe doza me Navêm ji we, mal û milkan Mihneta we li diyarê han Gelê serok û rêberan Hozan im, hozan Serokno, sekreterno Dîderno, pêşberno Car car dibim Fêqiyê Teyran Digerim seran, serê welatan Tov avêtin nava cîhan Şax berdan li baxçê gulistan Lê ketin tora çar dewletan Min dixin nava zindanan Işkenca axîn û lêdan Ha ho li halê me girtiyan Gazî dikim şax bilbilan Şîn xistin nav baxê gulan Dibêjin çi divên ji Fêqiyê Teyran Hozan e, hozan Dewletno, sîyasetno Komarno, hukûmetno Car caran zembîlfiroş im Selik û zembîlan difiroşim Kolan, kolan, digerînim Nanê zarokan dertînim Navêm xwêdana eniya kesan Navêm keda destê kesan Divêm bi destê xwe xwedî kim Zarok û zêç û kal û pîran Axano, paşano Kedxwarno, zordestno Car car dibim Melayê Cizîrê Dikevim derya, vê dîlberê Ax dîlberê, wax dîlberê Mûmit di qama fenerê Rohnî bike li min dîlberê Avek ji ava kewserê Vêxwim ji destê te dîlberê Subhanallah li wê dîlberê Xweda çê kir ji ezberê Çendî ciwan e parçê Xwedan Jê nagerê rohniya çavan Her ku li dîlbera xwe dinêrim Xweş xweş dirisînim ristan Berhev dikim ji bo dîwan Bidim dîroka Kurdistan Hozan im, hozan Hozanno, dengbêjno Şaîrno, hunerdmendno Car car dibim Exmedê Xanî Dikevim nav xewn û xeyalan Dibim şewê Memê Alan Didim we'z pê Zîna Zêdan Ji muxurbê ta Cizîra Botan Hawar li halê evîndaran Jê nagerin Beko Ewan Nasekinin koma fêsadan Nerindno, bêbextno, Fesadno, Ewanno Divêm bilind bibe doz Fireh bibe çand Rengîn bibe ziman Ji ber vê dibêjim Van stran û awazan Hevalno, hogirno Rindikno xweşikno