Delal.. Heylo lo delal..., lo weylo, loweylo... xem û xeyala min heylo lo weylo... Delal. Delalê min delalîne, siwarê hespê kihêlî nêrî kab hişîne Telesma ser devê delalê min, simêlên sohrî henabîne bi ser rûyan de, şikestîne Hogê binê beriyê, stêrka serê sibê, gelewêja birbangîne, lo wey lo... Delalo wezo, ya bext reş û ser bi dumane wezo ya dewran lê qulibiya ya wezo Ya li ebrê Milan, li navbera çît û perdan û stûnê konan de bext û miraz lê şikestiya ye wezo na weleh, ya li ebra Milan weza ji delalî malê re nemayo weylo..... xem û xeyala siwarê dilê min kanî weylo... Delalo were mala, wez bi qurbano were mala Serê vê sibê ji pêşiya deriyê mala rabûn, sê karên, sê xezala.. Yekê xwe daye pêşiya delalê malê, herdu yên din, jêra hogir û hevale.. Yadê, dikim taştiyekê ji delalî malê re çêkim wez dikim berxê berderiyê kozê Yek salî, dolê wî beranî, jêre serî jêkim di sinîka zîv û zêr de, bi birinca qerejdaxê, rûnê heft hîzan û kûzan, jê re lêkim, lo weylo.. Gava delalî malê qayîl nebe wezê sîng û berê ubêda, stuyê gerden û morî û mircanan bi zendên gistîr û bazina, bi hemêla qumrîka, jê re bi serda li bakim... Yadê wez dikim delalî malê li ebra milaniyê bi rêkim Wez dikim linga di zengê kim Ji kef û nênukên hinekirî, ji bazinên zenda rihînekê di binê beriyê kim Dikim delalî xwe berdim: Li xêma binê berriyê, li deşta dûze Li kendalên xûze.. Li girê Qermîtê Li binê Mêrdînê li qûça neyaran Li erdekî bê pîvane li kişandina şûr û mertalan li qulibandina çeplên xweşmêra. Li gurmîn û reqe reqa ewran li şerekî mezin û girane Wey xwidêyo, bavê min xêr û xweşiyê ji xwe nebînê ev çi dîn û çi wijdane Delalê malê Bi tenha li hember hezar û heftsed siwarê Gêsan û Tirkan Di şer û cenga girane.. Lo weylo... xem û xelaya siwarê min kanî delal Gotin û Muzîk: Gelêrî